"Barselona" bosh murabbiyi Xans-Diter Flik mashg'ulotlarga kech kelganlarga toqat qilish niyatida emas.

Yaqinda Ispaniya Superkubogi doirasida "Atletik Bilbao"ga qarshi o'yinda murabbiy ertalabki jamoa yig'ilishiga kechikib kelgan asosiy darvozabon Inyaki Penyani zaxira o'rindig'iga yubordi.

Mundo Deportivo xabariga ko'ra, kechikish uchun xuddi shunday jazolar boshqa har qanday futbolchiga, jumladan Robert Levandovski, Lamin Yamal, Pedri va boshqa yulduzlarga ham qo'llaniladi.

Nemis mutaxassisi qat'iy tartib-intizom top-klubdagi kiyinish xonasini muvaffaqiyatli boshqarishning kaliti deb hisoblaydi.