Taniqli ESPN eksperti Nikol “Oltin to'p” borasidagi o'z fikrlari bilan o'rtoqlashib o'tdi. O'z chiqishida Leo Messining bu mavsumda naqadar sovringa haqli ekanligini isbotlashga urungan qahramonimiz qaysidir ma'noda bu ishni uddasidan chiqdi.Messi “Oltin to'p”ga loyiqmi? Albatta, loyiq. Men Virjil van Deykka qarshi hech narsa demoqchimasman. Sababi, o'zimni ahmoqqa chiqarishlarini istamayman. Men faqat Messi haqida so'zlamoqchiman. Menda Messining so'nggi yillarda yanada yaxshiroq o'yin ko'rsatayotganini isbotlovchi dalillar mavjud. Uning maydondagi harakatlari yanada yorqin ko'rinish olmoqda. Butun boshli “Barselona” so'nggi 10 yil davomida xarid qilgan futbolchilarning deyarli birortasi o'zini oqlagani yo'q. Agarda ushbu futbolchilar o'tgan mavsumda jamoalarini almashib harakat qilishganida nima bo'lar edi? Deylik, Messi “Liverpul”da to'p surganida EChLni yuta olarmidi? Virjil La Ligada “Barselona”ni g'olib sari boshlashga qodirmi? To'g'ri, bu mulohaza xolos, biroq “Liverpul” Messi bilan EChLda g'olib chiqishni uddalar edi, “Barselona” esa, ichki birinchilikda chempionlikni qo'ldan chiqarib yuborgan bo'lar edi.Xo'sh, bu ikki futbolchidan qay biri o'z jamoasi uchun foydaliroq bo'ldi? “Liverpul”ning ashaddiy muxlislari ham jamoa Messi bilan Virjilsiz ham kuchliroq bo'lishiga shubha qilishmaydi. Katoloniyaliklar esa, Messisiz umuman qanday to'p surish mumkinligini yodidan ham chiqarib yuborishgani aniq. Shunda ekan, o'tgan mavsumda kim qanchalar jamaosi uchun muhim figuraga aylanganini sezgandirsiz? Katta ehtimol bilan keyingi mavsumda bu sovrin boshqa futbolchilarga topshiriladi.Uning statistikasiga e'tibor qarating! Razm solib qarar ekansiz, qaerdadir xato ketgan deb o'ylab qolasiz. U butsalarini mixga ilgach, biz boshqa hech qachon u kabi futbolchini umrimizning so'nggiga qadar ko'rmasligimiz aniq. To'g'ri, iqtidorli futbolchilar etishib chiqmoqda, lekin ular Messidan bir necha barobar ortda. Futbol o'zgarib bormoqda. Endilikda akademiyalar asosan taktik futbolga moslashgan sovuqqon va murabbiy talabinigina bajaradigan futbolchilarni etishtirmoqda. Ulardan foyda ko'proq bo'lgani uchun emas, shunchaki, futbol tamomila o'zgarib ketgani uchun. Barcha Killian Mbappeni uning izdoshi deb o'ylamoqda. Balki, Mbappe Messi va Ronaldu davridan so'ng, katta sahnaga chiqar, lekin u baribir Messining soyasida qolib ketaveradi.