Karlo Anchelotti "El-Klasiko"dagi mag'lubiyatdan keyin "Real"ning taktikasini qayta ko'rib chiqishi mumkin.

Madrid klubi Ispaniya Superkubogi finalida “Barselona”ga 2:5 hisobida imkoniyatni boy berdi. "Los-Blankos"ning asosiy tarkibida to'rtta hujumkor o'yinchi bor edi: Kilian Mbappe, Vinisius Junior, Rodrigo va Jud Bellingem.

The Athletic nashri xabariga ko'ra, "Real Madrid" bosh murabbiyi va uning shtabi kuchli raqiblarga qarshi o'yinda hujum va himoya o'rtasidagi muvozanatni topish uchun tarkibga o'zgartirish kiritish haqida o'ylashmoqda.

Bu reja amalga oshsa, to'rtta hujumchidan qaysi biri zaxira o'rindig'iga tushishini ko'rish kerak. Rodrigo asosiy tarkibdagi o'rnini yo'qotib qo'yishi mumkin, garchi Anchelotti 24 yoshli braziliyalikni himoyada ishlay olishi uchun yuqori baholasa ham.

Bu holda madridliklar 4-4-2 sxemasiga o'tadi. Federiko Valverde o'ng qanotda, Bellingem chap qanotda o'ynaydi.