"Barselona" prezidenti Joan Laporta "Kamp Nou" stadionida nimalar bo'layotgani va jamoa qachon u erga qaytishi mumkinligini aytdi.

"Biz yangi stadion qurmoqdamiz. Bu rekonstruktsiya emas, bu yangi stadion qurilishi. Va biz imkon qadar tezroq qaytamiz. Ushbu yangi "Kamp Nou" stadioni kelgusi yillarda yangi daromadlar keltirishning kalitidir", - dedi Laporta AS bilan suhbatda.

Avvalroq OAV "Barselona" "Kamp Nou"dagi VIP-o'rindiqlarni sotishdan yangi daromad olish bo'yicha kelishuvni amalga oshirishga muvaffaq bo'lgani haqida xabar bergan edi.

Eslatib o'tamiz, stadion rekonstruktsiya uchun 2023 yilning yozida yopilgan va ish 2026 yilda yakunlanishi kutilmoqda. Qayd etilishicha, klub "Kamp Nou"ga ish rasmiy yakuniga etguncha qaytishi mumkin.