Hujumchi Neymar klubini o'zgartirishga yaqin turibdi. L’Equipe o'z sahifalarida xabar berishicha, "Al-Hilol" va "Santos" o'rtasidagi muzokara jarayoni deyarli yakunlangan.

Barcha tomonlar bitim yaqin orada yopiladi, degan optimistik fikrda. Agar nimadir sodir bo'lmasa, 32 yoshli Neymar 2013 yilning yozida tark etgan "Santos"ga qaytadi.

Aytish joizki, Neymar tarixdagi eng qimmat futbolchi maqomini saqlab qoldi. 2017 yilda "PSJ" braziliyalik hujumchi uchun "Barselona"ga aql bovar qilmaydigan - 222 million evro to'lagan.