"Barselona" rahbariyati qishki transfer oynasida yangi o'yinchilarni xarid qilmaslikka qaror qildi.

Diario Sport nashri xabariga ko'ra, sport direktori Deku va bosh murabbiy Xans-Diter Flik "Barselona"ning moliyaviy muammolari tufayli yosh futbolchilar bilan shartnomani uzaytirishga e'tibor qaratishgan. Ma'lum qilinishicha, hozirda uzoq muddatli shartnomalar bo'yicha faol ish olib borilmoqda.

Eslatib o'tamiz, "Barselona" avvalroq Arauxo va Martin bilan shartnomani uzaytirgan edi. Keyingi o'rinlarda Gavi, Pedri va Lamin Yamal. 20 turdan keyin "ko'k-anorranglilar" 39 ochko bilan Ispaniya chempionatida uchinchi o'rinni egallab turibdi.