"Barselona" markaziy himoyachi Pau Kubarsi bilan yangi shartnoma imzolashga yaqin turibdi, deya xabar bermoqda insayder Fabritsio Romano.

Manbaga ko'ra, 18 yoshli ispaniyalik markaziy himoyachi tez orada Kataloniya klubi bilan kelishuvni rasman yakunlashi kerak.

Futbolchining jamoa bilan yangi kelishuvi 2030 yil yozigacha mo'ljallangan.

Ta'kidlanishicha, futbolchining jamoa bilan kelishuvi o'tgan yilning yozida og'zaki kelishilgan, endi esa rasman imzolanishi mumkin, chunki Kubarsi yanvar oyida 18 yoshga to'lgandi.

Kubarsining "Barselona" bilan amaldagi kelishuvi 2027 yilning yoziga qadar mo'ljallangan.