"Barselona" markaziy himoyachisi Andreas Kristensen joriy mavsumda jarohatlar va tarkibdagi yuqori raqobat sabab deyarli o'yin amaliyotiga ega bo'lmayapti.

Mundo Deportivo xabariga ko'ra, 28 yoshli daniyalik futbolchi katta ehtimol bilan yozgi transfer oynasida klubni tark etadi. Uni o'z safiga qo'shib olish uchun APL, A Seriya va Saudiya klublari qiziqish bildirmoqda.

Kristensen joriy mavsumda bor yo'g'i 1 ta o'yinda zaxiradan maydonga tushdi. Uning shartnomasi 2026 yilgacha mo'ljallangan.