"Barselona" prezidenti Joan Laporta ma'lum shartlar bilan Neymarni taklif qilish mumkinligini istisno qilmayapti.

Braziliyalik futbolchining "Santos" bilan shartnomasi joriy yilning yoziga qadar mo'ljallangan bo'lib, u Evropaga mavsumlar oralig'ida ko'chib o'tishi mumkin. Jurnalist Xoan Fontesning ma'lum qilishicha, Laporta Neymarga "Barselona"ga faqat erkin agent sifatida qaytishi mumkinligini aytgan. Bundan tashqari, 33 yoshli futbolchi o'z darajasini isbotlash uchun yaqin oylarda vatanida yorqin o'yin ko'rsatishi kerak bo'ladi.

Neymar yanvar oyi oxirida Saudiya Arabistonining "Al-Hilol" jamoasi bilan xayrlashib, "Santos"ga qaytgandi.