"Real" va "Barselona" Chempionlar Ligasi pley-offining ikki tomonida joylashgan. Demak, Ispaniya futbolining asosiy grandlari musobaqa finaliga qadar to'qnash kelmaydi. Matbuot anjumanida kataloniyaliklar ustozi Xans-Diter Flikdan finalda "Real"ga qarshi o'ynashni xohlaysizmi, deb so'rashdi.

"Avvaliga finalga chiqish kerak. Maqsadimiz shu. U erga etib borish uchun uzoq yo'lni bosib o'tish kerak. Dastlab juda kuchli jamoa bo'lgan "Benfika"ni mag'lub etishimiz kerak," - dedi Flik jurnalistlarga.

"Barselona" navbatdagi o'yinini 22 fevral kuni Ispaniya chempionatida "Las-Palmas"ga qarshi o'tkazadi.