La Liga prezidenti Xaver Tebas «Barselona»ga qarshi Negreyra ishi bo'yicha ehtimoliy jazo haqida fikr bildirdi.  «Sport korruptsiyasi jinoiy huquq yurisdiktsiyasiga kiradi va unda muddat yo'q.  [«Barselona»ning to'lovlari] hakamlarni sotib olishni anglatmaydi, lekin biz bu mablag'lar Negreyra orqali hakamlarning reytingini oshirish yoki tushirish uchun berilgan deb hisoblaymiz. Bu sport korruptsiyasidir. Jinoiy huquq nuqtai nazaridan muddat o'tmagan.  Ammo sport huquqiga ko'ra, to'lovlar haqidagi dalillar aniqlangan paytda uch yil o'tgan edi va sport qonunchiligi bo'yicha muddat o'tgan hisoblanadi. Agar imkonimiz bo'lganida, albatta, tegishli sanktsiyalarni qo'llardik.Agar muddat o'tmagan bo'lsa, «Barselona» La Ligadan chiqarilgan bo'lardi, bu haqda avval ham aytganman», — dedi Tebas  Eslatib o'tamiz, Negreyra ishi 2023 yilda oshkor qilingan bo'lib, «Barselona»ning Ispaniya hakamlar qo'mitasi sobiq vitse-prezidenti Xose Mariya Enrikes Negreyraga millionlab evro to'lagani aniqlangan edi.