Madridning «Real» jamoasi sobiq yarim himoyachisi Royston Drente «Barselona»ning sobiq hujumchisi Lionel Messi uni irqchilikka asoslangan so'zlar bilan haqorat qilganini aytdi. Bu holat gollandiyalik futbolchi ijara asosida Ispaniyaning «Erkules» klubida o'ynagan davrida sodir bo'lgan.«Erkules» va «Barselona» o'rtasidagi o'yinda Messi meni haqorat qilib, "qora teridagi axlat bo'lagi" deb atadi. Keyinroq u menga argentinalik futbolchilar bir-birini shunday atashini va bu ular uchun odatiy hol ekanini tushuntirdi. Masalan, ular Garayga ham shunday deyishgan va u bunga ahamiyat ham bermagan.Biroq ular tushunishlari kerakki, bu singari so'zlar men kabi yigitlarga yoqmasligi mumkin. Agar buni menga mashg'ulotlarda do'stim aytganida, bu boshqacha bo'lar edi. Ammo bu erda raqib tomonidan aytilgan gaplar haqida gap ketmoqda.  Keyin biz bu mavzuda boshqa gaplashmadik. Men uni juda hurmat qilaman, chunki u dunyodagi eng yaxshi futbolchilardan biri edi», — dedi Drente The Wild Projectga bergan intervyusida.