"Barselona" va Rafinya yangi shartnoma borasida muzokaralarni boshladi.

Mundo Deportivo xabariga ko'ra, Kataloniya klubi Rafinyaga shartnomani 2030 yilgacha uzaytirishni taklif qilgan. Muzokaralar dastlabki bosqichda va tomonlar o'rtasida o'zaro tushunish mavjud.

Yangi kelishuvga ko'ra, "Barselona" braziliyalik yarim himoyachi uchun tovon pulini "bozor narxi" darajasida belgilashni rejalashtirmoqda.

Qayd etilishicha, Rafinya ham "Barselona" bilan shartnomasini uzaytirishdan manfaatdor. Braziliyalik futbolchi avvalroq Saudiya Arabistonidan kelgan bir nechta takliflarni rad etgan, chunki u Kataloniya klubida muvaffaqiyat qozonishni istaydi.