«Barselona» «Osasuna»ga qarshi o'yin sanasi bo'yicha qabul qilingan qarorga apellyatsiya berdi.Eslatib o'tamiz, La Liganing 27-tur uchrashuvi 8 mart kuni o'tkazilishi kerak edi, ammo kataloniyaliklar tibbiy shtabi a'zosi Karles Minyarroning vafoti sababli o'yin keyinga qoldirilgan edi. Ispaniya futbol federatsiyasi (RFEF) mazkur uchrashuv 27 mart kuni bo'lib o'tishini ma'lum qildi."Marca" nashrining xabar berishicha, «Barselona» ushbu qarorga qarshi shikoyat qilgan. Klub uchrashuvni boshqa kunga ko'chirishni istamoqda, chunki 27 martda bo'ladigan bahsda jamoaning olti nafar futbolchisi ishtirok eta olmaydi. Rafinya Dias, Ronald Arauxo, Fermin Lopes, Pablo Torre, Jerar Martin va Ektor Fort terma jamoa yig'inlarida bo'ladi.Shu bilan birga, «ko'k-anorranglilar» rahbariyati bu masala jamoa foydasiga hal bo'lishi katta umid qilmayapti. Klub 27 martda o'ynashga to'g'ri kelishini anglab bormoqda.