"Barselona" markaziy himoyachisi Andreas Kristensen tez orada mashg'ulotlarga kirishadi.

Daniyalik avgust oyidan beri maydonga tushmayapti - u La Liga 1-turidan o'rin olgan "Valensiya"ga qarshi o'yinda jarohat olgandi. Jurnalist Xavi Migelning ma'lum qilishicha, "Barselona"da Kristensen kelasi haftadan mashg'ulotlarga qaytishi kutilmoqda. "Ko'k-anorranglilar" tibbiy shtabi futbolchining o'tmishda takroriy jarohatlari tufayli ehtiyotkorlikni saqlab kelmoqda.

27 mart kuni Xans-Diter Flik jamoasi Ispaniya chempionati 27-turining qoldirilgan o'yini doirasida o'z uyida "Osasuna"ni qabul qiladi.