"Barselona" bosh murabbiyi Xans-Diter Flik jamoa himoyachisi Jyul Kundening "Rayo Valekano"ga qarshi o'yin oldidan yig'inga kechikib kelganiga keskin munosabat bildirdi. Bu haqda Mundo Deportivo nashri xabar bermoqda.

Manbaga ko'ra, Flik juda g'azablangan va Kundeni jamoadoshlari oldida so'kkan. Gap shundaki, bu frantsuzning mavsumdagi uchinchi kechikishi bo'ldi.

Ma'lumki, germaniyalik murabbiy intizomga qattiq amal qiladi. Avvalroq, Flikning darvozabon Inyaki Penya bilan munosabatlari buzilgandi, u muntazam kechikishlar tufayli tarkibdan tushib qolgandi.

Joriy mavsumda Kunde barcha musobaqalarda 43 ta o'yinda maydonga tushib, 3 ta gol urdi va 8 ta golga assistentlik qildi.