"Barselona" hujumchisi Robert Levandovski so'nggi o'yinlarda jismonan charchaganini tan oldi.

- Oxirgi o'yinlarda shu qadar charchagan edimki, hatto o'ng oyog'im bilan zarba bera olmasdim. Hozirda o'zimni yaxshi his qilyapman va bu holatni saqlab qolishga umid qilaman," - deya polshalik forvardning so'zlarini keltiradi Barca Universal.

Joriy mavsumda 36 yoshli Levandovski barcha musobaqalarda 40 ta uchrashuvda qatnashib, 35 ta gol urdi va 3 ta golli uzatmani o'z hisobiga yozdirib qo'ydi.