"Atletik"ning hujumkor yarim himoyachisi Niko Uilyams Kataloniyaning "Barselona" klubiga borib qo'shilili mumkin. Bu haqda El Nacional jurnalistlari xabar bermoqda.

Manbaga ma'lum bo'lishicha, "ko'k-anorranglilar" futbolchilari Lamin Yamal va Gavi klub rahbariyatini 22 yoshli hamyurtining transferini rasmiylashtirishga chaqirgan. Bundan tashqari, jamoa bosh murabbiyi Xans-Diter Flik ham Uilyamsning transferiga ijobiy qaramoqda. Nikoning transfer summasi 58 million evroni tashkil etadi.

Ispaniya chempionatining joriy mavsumida yarim himoyachi 24 ta o'yinda ishtirok etdi. Uilyams to'rtta gol va beshta golli uzatmani amalga oshirdi.