"Barselona" markaziy himoyachisi Ronald Arauxo La Liga doirasidagi "Jirona"ga (4:1) qarshi o'yindan so'ng jurnalistlar bilan suhbatlashdi.

"G'alabadan juda xursandman. Biz chempionat peshqadami bo'lib qoldik va o'z maqsadimiz - chempionlik sari borishda davom etamiz. O'ylaymanki, biz yaxshi o'yin o'tkazdik.

"Jirona" hisobni tenglashtirganida ham kontsentratsiya va o'zimizga bo'lgan ishonchni saqlab qoldik. Uch ochko olishimizni bilardim. Jamoamiz fantastik mentalitetga ega - biz qiyin vaziyatlarda nima qilishni bilamiz," - deya Arauxoning so'zlarini keltiradi Barca Universal.