Kataloniyaning "Barselona" jamoasi 24 yoshli himoyachisi Erik Garsiya yozgi transferlar oynasida klubini o'zgartirishi mumkin. Bu haqda Todofichajes. portali muxbirlari ma'lum qilmoqda.

Manba ma'lumotlariga ko'ra, markaziy himoyachini o'z safiga qo'shib olishga Ispaniyaning boshqa bir klubi - "Real Sosedad" qiziqish bildirmoqda. Garsiyaning ehtimoliy transferi qiymati 15 million evro atrofida baholanmoqda. Erikning "ko'k-anorranglilar" bilan amaldagi shartnomasi 2026 yil iyun oyi oxirigacha mo'ljallangan.

Garsiya kataloniyaliklar safida 2021 yildan beri to'p tepmoqda. Ispaniya chempionatining joriy mavsumida himoyachi 21 ta o'yinda maydonga tushdi.