"Barselona" vingeri Rafinya Dias Chempionlar Ligasida klub safidagi gollari soni bo'yicha afsonaviy hamyurti Ronaldinoni ortda qoldirdi.

28 yoshli futbolchi bugun bo'lib o'tgan 1/4 final doirasidagi "Borussiya" Dortmundga qarshi bahsda 25-daqiqada raqib darvozasini ishg'ol etib, hisobni ochdi. Rafinya uchun bu gol eng nufuzli evrokuboklar doirasidagi kataloniyaliklar tarkibidagi 15-gol bo'ldi - Ronaldinodan bitta ko'p. Shu bilan birga, "ko'k-anorranglilar"ning hozirgi yulduzi "Oltin to'p" sohibiga qaraganda ancha kam o'yin o'tkazgan - 23 ga qarshi 35.