Madridning "Real" klubi va Germaniya milliy terma jamoasining sobiq yarim himoyachisi Sami Xedira "Barselona" qanoti hujumchisi Lamin Yamalning qobiliyatlari haqida o'z fikrini bildirdi.

"Yamal keng ochiq pozitsiyada o'ynay oladi, kesib o'tuvchi pas berishi yoki Levandovskiga aniq to'p uzatishi mumkin. Lamin o'zida dribling va pas berish mahoratini mujassam etgan, u chaqqon, xavfli harakat qiladi - shu bois unga qarshi himoyalanish juda qiyin," - deya ta'kidladi Xedira DAZN bilan suhbatda.