"Barselona" moliyaviy muammolar tufayli Jonatan Ta bilan shartnoma imzolay olmaydi.

Diario Sport xabariga ko'ra, klub rahbariyati agent Pini Zaxaviga bugungi kunda Taga o'tishning imkoni yo'qligini ma'lum qilgan.

Xansi Flikka himoyachi yoqadi, ammo moliyaviy feyr-pley cheklovlari tufayli hamma narsa sport departamenti maosh jadvalida qanday ustuvorliklarni belgilashiga bog'liq bo'ladi.

Hozircha shu narsa aniqki, Ta ro'yxatdan o'tish masalasida Dani Olmo kabi noaniqlik va xavotirni boshdan kechirishni istamaydi. Himoyachi "Barselona"ga o'tishni istamoqda, ammo kelajagini yaqin bir oy ichida oydinlashtirib olmoqchi. Unga APLning bir nechta klublari qiziqish bildirmoqda.

Futbolchi bilan muzokaralar hozircha to'xtatilgan - nemis "Barsa" may oyida aniq qadam tashlay oladimi va uni ro'yxatdan o'tkazishni kafolatlay oladimi, degan savolga javob kutmoqda.

Taning "Bayer" bilan shartnomasi 30 iyun kuni yakuniga etadi.