"Barselona" 2025 yilda yutqazmayapti.

Bugun Xans-Diter Flik jamoasi La Liganing 31-turida "Leganes"ni 1:0 hisobida mag'lub etdi.

Joriy kalendar yilida kataloniyaliklar barcha turnirlarda 24 ta o'yin o'tkazib, biror marta ham mag'lubiyatga uchramadi. Ular hisobida 20 g'alaba va 4 durang bor. 15 aprel kuni jamoa Chempionlar ligasi doirasida Dortmundning "Borussiya" klubiga qarshi javob o'yinini o'tkazadi.

"Blaugrana" 70 ochko bilan Ispaniya chempionati turnir jadvalida peshqadamlik qilmoqda va "Real"ni 7 ochkoga ortda qoldirmoqda. Madridliklarda zaxira o'yini bor.