Alexandro Balde "Leganes"ga qarshi o'yinda jarohat olib zaxiraga olindi.

"Barselona" himoyachisi Adria Altimiraning uzatmasini qaytarish uchun tezlashdi. Balde "Leganes" himoyachisi bilan to'p uchun kurashda g'alaba qozondi, biroq birozdan so'ng jarohat olgan holda maydonga o'tirib qoldi.

"Barsa" shifokorlari futbolchiga tibbiy yordam ko'rsatdi, ammo ispaniyalik futbolchi mushaklaridagi jarohat tufayli uchrashuvni davom ettira olmasligini bildirdi.

Uning o'rniga La Liga 31-turining 41-daqiqasida Jerar Martin maydonga tushdi.