Huquqlari Londonning "Arsenal" klubiga tegishli bo'lgan tayanch yarim himoyachi Tomas Parti Ispaniya chempionatiga o'tishi mumkin.

Deadlinedaylive portali hisobiga ko'ra, afrikalik yarim himoyachiga La Liganing ikkita top-klubi qiziqish bildirmoqda. Gap Kataloniyaning "Barselona" va Madridning "Atletiko" klubi haqida ketmoqda.

Eslatib o'tamiz, Parti 2012 yildan 2020 yilgacha "matraschilar" safida o'ynagan. Tomasning "kanonirlar" bilan amaldagi shartnomasi 2025 yilning iyun oyi oxirigacha mo'ljallangan. Uning transfer qiymati 15 million evroga baholangan. Premer-liganing joriy mavsumida yarim himoyachi 30 ta o'yin o'tkazib, 4 ta gol urdi va 2 ta golli uzatmani amalga oshirdi.