"Barselona" bosh murabbiyi Xans-Diter Flikning jamoa hujumchisi Pau Viktor bo'yicha pozitsiyasi ma'lum bo'ldi.

Diario Sport nashrining ta'kidlashicha, germaniyalik mutaxassis Viktorga ishonmoqda va uni sotishni rejalashtirmayapti. Manbaga ko'ra, yanvar oyida Flik klub sport direktori Dekuga hujumchi bo'yicha har qanday taklifni rad etish haqida ko'rsatma bergan.

Joriy mavsumda 23 yoshli Viktor barcha musobaqalarda 24 ta o'yinda maydonga tushib, 2 ta gol urdi va 1 ta golli uzatmaga mualliflik qildi.

Hujumchining "Barselona" bilan shartnomasi 2029 yilgacha mo'ljallangan. Transfermarkt mutaxassislari futbolchining narxini besh million evroga baholamoqda.