"Barselona" vingeri Lamin Yamal oltin trebl haqida anchadan beri o'ylayotganini tan oldi.

"Ko'k-anorranglilar" allaqachon Ispaniya kubogini qo'lga kiritib, Chempionlar ligasi yarim finaliga yo'l olgan, shuningdek, La Liga turnir jadvalida ham finishga 5 tur qolganida peshqadamlik qilmoqda.

"Terma jamoa bilan Evro-2024 g'olibligini qo'lga kiritib, klub qarorgohiga qaytgach, shunday dedim: "Bu mavsumda treblni qo'lga kiritsak-chi?" Agar Evroni yuta olsak, "Barselona" bilan barcha turnirlarda g'alaba qozona olamiz, deb o'yladim," - deya Yamalning so'zlarini keltiradi ispan OAV.