Italiya terma jamoasining sobiq hujumchisi Antonio Kassano "Barselona" - "Inter" uchrashuvida qayd etilgan (3:3) natija haqida fikr bildirdi.

Jamoalar 30 aprel kuni Chempionlar ligasining birinchi yarim final uchrashuvida o'zaro to'qnash kelishdi.

"Qanday o'yin! Ajoyib, ajoyib. Turnirdagi eng chiroylisi. Haqiqiy, shiddatli, yuqori saviyadagi sinov", - dedi Kassano Viva El Futbol podkastida.

Shu bilan birga Kassano "neradzurrilar"ning o'yinidan norozi bo'ldi.

"Inter"dek kuchli jamoa bunday o'ynamaydi. Bu qiyin o'yin bo'ldi, lekin juda himoyaviy o'yin bo'ldi. "Inter" kuchli yarim himoyaga ega, ammo "Barselona" g'oyalari, sifati va tezligi bo'yicha ulardan o'zib ketdi. Bastoni va Barella ajoyib o'yinchilar, lekin kecha biz ularning cheklovlarini ko'rdik" - dedi Kassano.

"Inter" va "Barselona" o'rtasidagi javob uchrashuvi 8 may kuni bo'lib o'tadi.