"Barselona" bu mavsumda 8 ta irodali g'alabaga erishdi.

Bugun Xans-Diter Flik jamoasi La Liganing 34-turida "Valyadolid"ni mag'lub etdi (2:1), ular 1-bo'limdan keyin 0:1 hisobida imkoniyatni boy berayotgandi.

Joriy mavsumda kataloniyaliklar 8 bor irodali g'alabaga erishdi. Bu La Ligada besh marta, Chempionlar Ligasi, Ispaniya Kubogi va mamlakat Superkubogida bir martadan sodir bo'lgan.

"Blaugrana" 79 ochko bilan La Liga turnir jadvalida peshqadamlik qilmoqda va "Real"ni 7 ochkoga ortda qoldirmoqda. Madridliklarda zaxira o'yini bor.