"Barselona" yarim himoyachisi Dani Olmo "Inter"ga qarshi Chempionlar ligasi yarim final javob o'yini oldidan jurnalistlar bilan suhbatlashdi.

Uchrashuv seshanba kuni bo'lib o'tadi. Kataloniyada bo'lib o'tgan birinchi o'yin 3:3 hisobida yakunlangandi.

"Men "Barselona"ga g'alaba qozonish uchun keldim. Biz allaqachon ikkita sovrin yutdik, endi bizda yana ikkita sovrin yutish imkoniyati bor. Jamoamizdagi barcha murabbiyning qarashlari bilan o'rtoqlashmoqda. Men shunday muvaffaqiyatga erishamiz deb tasavvur qilgandim. Biz o'zimizga ishonganmiz, birlashganmiz va qanday o'ynashni istayotganimizni bilamiz", - dedi Olmo matbuot anjumanida.