Xansi Flik boshchiligidagi “Barselona” jamoasi Chempionlar Ligasi yarim finalida “Inter”ga mag'lub bo'lib, musobaqani tark etdi. Ikki uchrashuv natijalariga ko'ra — 3:3 va 3:4 — kataloniyaliklar finalsiz qolishdi.

“Blaugrana” oxirgi marta 2015 yilda Chempionlar Ligasini qo'lga kiritgan va aynan o'sha finalda so'nggi marta ishtirok etgan edi. Undan beri jamoa 10 yildirki, EChL finaliga chiqa olmayapti.

“Inter” esa 31 may kuni Myunxenda bo'lib o'tadigan hal qiluvchi bahsda “PSJ” yoki “Arsenal” jamoalaridan biriga qarshi maydonga tushadi.