"Barselona" jamoasi vingeri Lamin Yamal dunyoning eng yaxshi futbolchilari haqida fikr bildirdi. 17 yoshli futbolchi "Pari Sen-Jermen" hujumchisi Usmon Dembele va Londonning "Arsenal" klubi vingeri Bukayo Sakaning o'yinini alohida ta'kidladi."Hozir, agar "Barselona" futbolchilarini hisobga olmasak, menimcha, Usmon Dembele va Bukayo Saka juda yaxshi o'ynamoqda", — deya Yamalning so'zlarini "Goal" portali keltirmoqda.Joriy mavsumda Yamal barcha musobaqalarda jami 51 ta uchrashuvda qatnashib, 15 ta gol va 24 ta golli uzatma bilan ajralib turdi. Transfermarkt portali ma'lumotlariga ko'ra, uning bozor qiymati €180 mln ni tashkil etadi.