"Barselona" va Braziliya terma jamoasi forvardi Rafinya faoliyati davomida kimlardan ilhomlanganini aytdi.

Barca Universal nashriga bergan intervyusida braziliyalik futbolchi o'zining birinchi kumiri Ronaldino bo'lganini, keyinchalik esa boshqa nomdor futbolchilar uning e'tiborini tortganini tan oldi.

"Bolaligimda Ronaldinoga o'xshashni xohlardim. Men uning futbolkasini kiyib, boshimni bog'lab yurardim. U menga o'rnak bo'ldi. Futbol ko'rishni boshlaganimda Neymar, Robben, Ronaldu va Messini yoqtirardim. Ularning har biri meni ilhomlantirdi", - dedi Rafinya.