"Barselona" La Liganing 36-turida "Espanol"ni mag'lub etdi (2:0) va chempionlikni naqd qildi. Mavsum tugashiga 2 tur qolganida kataloniyaliklar turnir jadvalida 85 ochkoga, 2-pog'onadagi "Real" esa 78 ochkoga ega.

Shu tariqa, "ko'k-anorranglilar" joriy mavsumda barcha milliy sovrinlarni qo'lga kiritdi. Avvalroq Xansi Flik jamoasi Ispaniya kubogi va Ispaniya Superkubogini qo'lga kiritgandi.

Endi "Barselona" La Ligada 28 ta g'alaba, Ispaniya Kubogida 32 ta g'alaba (rekord) va Ispaniya Superkubogida 15 ta g'alaba (rekord) ga ega.