"Barselona" darvozaboni Voytsex Shesni "Espanol" posboni Joan Garsiyaning o'yini haqida fikr bildirdi.

Avvalroq, "ko'k-anorranglilar" 24 yoshli ispaniyalik futbolchini o'z safiga qo'shib olmoqchi ekani haqida xabarlar tarqalgan edi.

"Men Joan Garsiyani maqtamoqchiman. U La Liganing joriy mavsumdagi eng yaxshi darvozaboni deb hisoblayman. Uning kelajagi juda porloq," - deya Shesnining so'zlarini keltiradi Barca Universal.

Ispaniya chempionatining joriy mavsumida Garsiya 36 ta o'yinda maydonga tushib, 49 ta gol o'tkazib yubordi va 7 marta o'z darvozasi daxlsizligini saqlab qoldi.