Frantsiyalik mashhur sobiq futbolchi Emmanuel Peti Madridning "Real" klubi muammolari haqida gapirdi.

"Barselona" Ispaniya ichidagi uchta turnirning barchasida g'olib chiqdi - "qaymoqranglilar" barcha jabhalarda ikkinchi o'rinni egalladi. La Liga chempionligi taqdiri hal bo'lgan so'nggi "klasiko"da Kilian Mbappe xet-trik qayd etdi, ammo kataloniyaliklar baribir g'alaba qozondi - 4:3.

"Hozir "Barselona" "Real"dan yaxshiroq ekanini hamma ko'rdi. Mbappe bir o'zi o'yinlarda g'alaba qozona olmaydi. Unga haqiqiy jamoa kerak, "Real"da esa butun mavsum davomida bunday bo'lmadi," - deya Petining so'zlarini keltiradi The Touchline.