"Barselona" sport direktori Deku jamoaning o'tgan yozgi transferlari haqida fikr bildirdi.

"O'tgan mavsumda jamoamizni kuchaytirishi mumkin bo'lgan ikki futbolchi - Dani Olmo va Niko Uilyams haqida o'ylagandik. Olmo boshidanoq "Barsa"ga o'tishni xohlagan va loyihaga ishonch bildirgan, bu esa vazifani osonlashtirgan. Niko - yo'q," - deya Dekuning so'zlarini keltiradi Barca Times.

Joriy mavsumda 27 yoshli Olmo barcha musobaqalarda 38 ta uchrashuvda maydonga tushib, 11 ta gol urdi va 7 ta golli uzatmani amalga oshirdi.