Frenki de Yongning "Barselona"dagi kelajagi yana so'roq ostida. Relevo xabariga ko'ra, niderlandiyalik yarim himoyachi yozdayoq klubni tark etishi mumkin, chunki shartnomani uzaytirish bo'yicha muzokaralar boshi berk ko'chaga kirib qolgan.

De Yongning kataloniyaliklar bilan amaldagi kelishuvi 2026 yilning 30 iyuniga qadar mo'ljallangan. "Barsa" rahbariyati futbolchi kelasi mavsum yakunida tekinga ketib qolmasligi uchun shartnomani oldindan uzaytirishga harakat qildi. Biroq, hozircha futbolchi bilan kelishuvga erishilmadi.

Manbaning aniqlik kiritishicha, "Barselona" xaridor izlash niyatida emas, ammo ular moliyaviy jihatdan foydali bo'lsa, takliflarni ko'rib chiqadi - ayniqsa, murakkab iqtisodiy vaziyatni hisobga olgan holda.