"Barselona"ning afsonaviy sobiq futbolchisi Andres Inesta Luka Modrichning Madridning "Real" klubini tark etishi haqida fikr bildirdi.

39 yoshli xorvatiyalik shanba kuni La Liga so'nggi turidan o'rin olgan "Real Sosedad"ga qarshi o'yindan so'ng "Santyago Bernabeu" muxlislari bilan xayrlashdi. Xavbek yozda erkin agent sifatida "qaymoqranglilar" safini tark etadi.

"Biz chiroyli o'yinlar o'tkazdik. Keyingi bobingizda omad tilaymiz, Luka Modrich," - deb yozdi Inesta ijtimoiy tarmoqda va "ko'k-anorranglilar" safidagi "klasiko"lardan birida tushgan suratini ilova qildi.