"Barselona" vingeri Lamin Yamal La Liganing zamonaviy rekordini o'rnatdi. 17 yoshli futbolchi yakunlangan Ispaniya chempionatida 13 ta golli uzatma bilan eng yaxshi assistentga aylandi. Opta xabariga ko'ra, 21-asr boshidan beri 20 yoshgacha bo'lgan hech bir futbolchi La Ligada bir mavsumda bunchalik ko'p samarali pas bermagan.

"Ko'k-anorranglilar" vunderkindining hisobida 9 ta gol ham bor. Umuman olganda, ispaniyalik futbolchi Xans-Diter Flik jamoasi safida barcha musobaqalarda 55 ta o'yinda 18 ta gol va 25 ta golli uzatmani amalga oshirgan.

"Barselona" 88 ochko jamg'arib, Madridning "Real" klubini 4 ochkoga ortda qoldirib, chempionlikni qo'lga kiritdi.