"Barselona" hujumchisi Robert Levandovski "ko'k-anorranglilar" lagerida uning o'rnini kim egallashi kerakligi haqida javob berdi.

Eslatib o'tamiz, polyakning Xans-Diter Flik jamoasi bilan shartnomasi kelasi yozda yakuniga etadi.

"Bu juda murakkab mavzu. Tasavvur qilaylik, klubda pul bilan bog'liq muammo yo'q va istalgan o'yinchi bilan shartnoma imzolay oladi.

Men so'nggi paytlarda 2-3 mavsum saviyasini saqlab qolgan, 40 dan ortiq gol urgan futbolchilarni ko'rmadim.

Hozir buni uddalay oladigan futbolchini topish juda qiyin", - deya Levandovskining so'zlarini keltiradi Barca Universal.