PSV Ivan Perishichni "Barselona"ga o'tmaslikka harakat qilmoqda.

Avvalroq Xansi Flik 36 yoshli vingerni "Barsa"da ko'rishni istashi haqida xabar berilgandi. Murabbiy xorvatiyalik futbolchini “Bavariya”dagi vaqtidan taniydi.

PSV futbolchini yo'qotmoqchi emas. Diario Sport xabariga ko'ra, Niderlandiya chempioni Perishichga ikki yillik shartnoma taklif qilgan va o'zining dastlabki taklifini yaxshilagan.

Perishich bu taklifga qiziqayotgani aytilmoqda. Biroq futbolchi "Barselona"ning yakuniy qarorini bilmaguncha hech qanday shartnoma imzolamaydi.

Xorvatiyalik futbolchi terma jamoadagi o'rnini saqlab qolish va jahon chempionatiga chiqish uchun yuqori saviyada o'ynashni davom ettirmoqchi.