Germaniyalik darvozabon Mark-Andre ter Shtegen OAVdagi turli mish-mishlarga qaramay, yozda Kataloniyaning "Barselona" klubini tark etishni rejalashtirmayapti.

Marca gazetasi jurnalistlarining xabar berishicha, 33 yoshli posbon takliflarni qabul qilmoqchi emas va yangi jamoa qidirmayapti. Ter Shtegen kelasi mavsumni "ko'k-anorranglilar" safida boshlashga bel bog'lagan.

Eslatib o'tamiz, Mark-Andre o'tgan mavsumda jarohati sabab bor yo'g'i 9 ta o'yin o'tkazgan edi. Germaniyalik futbolchi 11 ta gol o'tkazib yubordi, bir o'yinda esa darvozasi daxlsizligini saqlab qoldi.

Avvalroq, matbuotda tajribali darvozabonga Istanbulning "Galatasaroy" klubi qiziqish bildirayotgani haqida xabarlar tarqalgan edi.