"Barselona" bosh murabbiyi Xans-Diter Flik "Atletik" vingeri Niko Uilyamsning transferini ma'qullamoqda.

"Ko'k-anorranglilar" 22 yoshli futbolchining transferini yopishga yaqin turibdi. Jurnalist Ferran Martinesning yozishicha, kataloniyaliklar ustozi Uilyams uning o'yin tizimiga juda mos keladi, deb hisoblamoqda. Germaniyalik murabbiy yangi futbolchini bir nechta hujumkor vazifaga jalb qilishni rejalashtirmoqda.

Niko Uilyamsning "Atletik" bilan shartnomasida 58 mln evro tovon puli ko'rsatilgan. Ispaniyalik futbolchi asosan hujumning chap qanotida harakat qiladi, ammo o'ng qanot vingeri pozitsiyasini ham yopishi mumkin.