"Barselona" bosh murabbiyi Xans-Diter Flik Dani Olmoning maydondagi rolini kuchaytirish ustida ishlamoqda, deya xabar berdi Sport.es.

Manbaga ko'ra, Niko Uilyams chap qanotga kelgach, Rafinya hujumkor yarim himoyaga surilishi mumkin. Bu holatda ba'zi o'yinlarda Olmo Robert Levandovski o'rniga "yolg'on to'qqizlik" rolida maydonga tushishi kutilmoqda.

Bu pozitsiya Dani Olmo uchun yangi emas. U avvalroq Ispaniya Kubogi doirasidagi "Real Betis"ga qarshi o'yinda ham "soxta to'qqizlik" sifatida o'ynagan va o'sha bahsda "Barcelona" 5:1 hisobida g'alaba qozongan, Olmo esa ikki bor jamoadoshlarining gol urishiga hissa qo'shgan, ya'ni ikki bor assist qayd etgan.