Yaqinda 18 yoshga to'ladigan "Barselona" vingeri Lamin Yamal o'zini xursand qilishga qaror qildi. Iste'dodli futbolchi taqinchoq - ism-sharifining bosh harflari yozilgan marjon uchun 400 ming dollar sarfladi. Bu haqda Braziliyaning CNN telekanali xabar bermoqda.

Marjon oltindan yasalgan. Uni "Barselona" ranglaridagi brilliantlar va qimmatbaho toshlar bezab turibdi.

Lamin Yamal 13 iyul kuni voyaga etadi. U allaqachon "Barselona" safida 106 ta o'yinda maydonga tushib, 25 ta gol urgan va sheriklariga 34 ta golli uzatmani amalga oshirgan.