Kataloniyaning "Barselona" klubi xavbeki, 21 yoshli Mark Kasado Ispaniya chempionatini Angliya Premer-ligasiga almashtirishi mumkin. Bu haqda Caught Offside xabar bermoqda.

Manbaga ko'ra, yarim himoyachini Londonning "Arsenal" klubi o'z safiga qo'shib olmoqchi. Kasadoning "ko'k-anorranglilar" bilan mehnat shartnomasida 100 million evro miqdoridagi tovon puli haqida band bor. Futbolchi va "Barselona" o'rtasidagi amaldagi mehnat shartnomasi muddati 2028 yil iyun oyi oxirida tugaydi.

Mark Ispaniya chempionatining o'tgan mavsumida 23 ta o'yin o'tkazdi. Yarim himoyachi bitta gol va uchta assistni o'z hisobiga yozdirib qo'ydi.