"Barselona" yarimhimoyachisi Gavi jamoaning birinchi raqamli futbolchisi maqomini yo'qotgan va belida jarrohlik amaliyotini o'tkazgan darvozabon va jamoa sardori Mark-Andre ter Shtegenning ahvoli haqida gapirdi.

Klub rahbariyati nemis futbolchisidan norozi va mish-mishlarga ko'ra, uni sardorlik bog'ichidan mahrum qilmoqchi.

"Mark - jamoaning birinchi sardori va yakunda qaror futbolchilarning ovozi bilan qabul qilinadi. Uning jarohati juda og'ir edi. Mark - klub afsonasi va uni kimligi uchun hurmat qilish kerak. U jarohatidan forig' bo'lgach, ko'ramiz, murabbiy esa qaror qabul qiladi. Ko'rinib turibdiki, u klub afsonasi va uni hurmat qilish kerak", - deya Gavining so'zlarini keltiradi Yahoo Sports.