"Barselona" prezidenti Joan Laporta darvozabon Mark-Andre ter Shtegendan juda norozi.

Eslatib o'tamiz, germaniyalik futbolchi klubga maoshining bir qismini boshqa futbolchini ro'yxatdan o'tkazish uchun ishlatish imkonini beradigan uzoq muddatli jarohat to'g'risidagi tibbiy xulosani imzolashdan bosh tortdi. Yaqin soatlar ichida darvozabon sardorlik bog'ichidan mahrum bo'lishi mumkin. Avvalroq, bu borada qarorni murabbiy Xans-Diter Flik qabul qilishi haqida xabarlar tarqalgan edi, biroq jurnalist Aleks Pintanelning ma'lum qilishicha, klub rahbariyati bu masalani o'z zimmasiga olmoqchi.

Qayd etilishicha, Joan Laporta hujjatni imzolashdan bosh tortgani uchun ter Shtegendan juda g'azablangan. Ma'lum bo'lishicha, 33 yoshli futbolchining sardorlik maqomini saqlab qolish uchun deyarli imkoniyati yo'q.